Android & IOS Memory Compare

iOS နဲ့ Android တို့ တိုက်ပွဲဟာ ဒီနေ့အထိ ပြင်းထန်နေဆဲပါ။ ဘယ်သူက ဘယ်သူ့ထက်သာသလဲဆိုတဲ့ ခိုင်လုံတဲ့ အကြောင်းအရင်းက ရှိမှာပါ။ ဒါပေမယ့် ကိုယ့်လိုအပ်ချက်အတွက် ဘယ်တခုက ပိုကောင်းသလဲဆိုတာ မပြီးဆုံးစတမ်း (ကျနော်တို့အပါအဝင်) နှိုင်းယှဉ်နေတာကိုတော့ တားလို့ရနိုင်မယ်မထင်ပါ။
   မည်သည့် စက်မောင်းစနစ် OS က ပိုပြီး လုံခြုံစိတ်ချရပါ့မလဲ၊ ဘာကြောင့် iOS apps က Android Apps ထက်ယေဘူယျအားဖြင့် ပို​ကောင်းရသလဲ၊ စတဲ့မေးခွန်းတွေနဲ့ ကျနော်တို့ စူးစမ်းကြတယ်။ ဒါပေမယ့် ခင်ဗျားတို့ သတိမပြုမိတာတခုက ဒီမှာပါ။ iOS device တွေဟာ Android device တွေထက် RAM ထက်ဝက်(ထက်ဝက်အောက်နည်း) သာရှိကြတာပါ။ ဒါဟာ ဘာကြောင့့်ပါလဲ။

နှိုင်းယှဉ်ကြည့်ရင် ၂၀၁၇ နိုဝင်ဘာထုတ် OnePlus 5T ဆိုရင် RAM သုံးထားတာ 8GB တဲ့။ ဒါပေမယ့် သူ့လို highend ပဲ ၂၀၁၇ အောက်တိုဘာထုတ် iPhone X မှာ 3GB ပဲရှိတယ်။ ၂၀၁၇ စက်တင်ဘာထုတ် iPhone 8 plus မှာလည်း 3GB ပဲ။ iPhone 8 ဆိုရင် 2GB ပဲရှိတယ်။ 2GB RAM သုံးတာ ၂၀၁၆ ထုတ် iPhone 6s ကနေ 8 အထိပဲ။ ဘာပြဿနာမှမရှိဘူး။ ၂၀၁၇ ဧပြီထုတ် Galaxy S8+ လည်း 6GB ပဲ။ ၂၀၁၇ အောက်တိုဘာထုတ် Google Pixel 2XL က 4GB သုံးတယ်။ ၂၀၁၄ ထုတ် iPhone 6 ဆို 1GB နဲ့ပဲ နောက်ဆုံးထုတ်iOS 11 ကို Run နေနိုင်တာပါပဲ။

    #Android_device_တွေက_RAM_ပမာဏ_အများကြီးလိုအပ်ရခြင်းအကြောင်း

အဦးအစကတည်းက Android ကို ပရိုဆက်ဆာ အမျိုးအစားအစုံ၊ ထုတ်လုပ်သူ အမျိုးမျိုး၊ Hardware ဖွဲ့စည်းပုံအမျိုးမျိုးကို ထောက်ပံ့နိုင်အောင် ဒီဇိုင်းထုတ်ထားရတာပါ။ software တခုကို System တခုအတွက် ရေးထားလျှင် ဒီ software ကို အခြား system မှာ run လို့မရဘူး။ ဒါပုံမှန်ပဲ။ Run ချင်ရင်တော့ အခြား system နဲ့ကိုက်ညီမှုရှိအောင် software ကိုပြန်ရေးရတော့မယ်။ အလုပ်ရှုပ်ပြီ။ ဒါကို ကျော်လွှားဘို့လို့ Android Apps တွေကို Java platform မှာ ရေးကြရတော့တယ်။ Java က အတော်အသုံးတည့်တယ်။ သူ့ရဲ့ Virtual Machine ကြောင့်ပါပဲ။ Application တခုကို Java ဖြင့် ရေးလိုက်တာနဲ့ အခြားဘယ် system မှာမဆို run လို့ရအောင် Virtual Machine က App ရဲ့ code တွေကို ဘာသာပြန်ပေးတယ်။ runtime တခုတော့ကြာမှာပေါ့။ လူကိုယ်တိုင် ပြန်ရေး ပြန်စုစည်းနေစရာမလိုတော့ဘူး။ Java ရဲ့ Virtual Machine က ကိုယ့်အတွက် ဒါကို ကိုင်တွယ်ပေးသွားတယ်။
   ဒါပေမယ့် တန်ကြေးတခုတော့ ရှိတယ်။ Java ရဲ့ Virtual Machine က ရှုပ်ထွေးတယ်။ RAM ပမာဏအများကြီးလိုတယ်။ Virtual Machine ကိုယ်၌က RAM လိုသလို၊ သူ့မှာ Run လာတဲ့ App အတွက် မူလ Java code ကို ထိန်းသိမ်းထားဘို့နဲ့၊ ဘာသာပြန်လိုက်တဲ့ code ကို system က စီမံဘို့လည်း RAM ကလိုပြန်တယ်။ ဒီတော့ RAM လိုအပ်ချက်က ပိုများတာသိပ်သိသာတယ်။
    ဒီအကြောင်းတွေကြောင့်ပဲ စက်ကိုညက်ညက်ညောညောလေးသုံးချင်ရင် အနည်းဆုံး RAM ပမာဏ 4GB ကို အကြံပြုတယ်။ ဒီလောက်မှ မသုံးရင် အနည်းဆုံး 2GB တော့ရှိသင့်တယ်။
  #iOS_device_က_Android_device_ကဲ့သို့_RAM_များများ_မသုံးရခြင်းအကြောင်း

Apple က iOS ဂေဟစနစ်တခုလုံးကို အကြီးအကျယ် ထိန်းချုပ်ဖို့ ကြိုးပမ်းထားပါတယ်။ ခင်ဗျားက iOS သုံးချင်တယ်ဆိုပါစို့၊ ခင်ဗျားမှာ ရွေးချယ်စရာဖုန်း တမျိုးတည်းပဲရှိမယ်။ iPhone ပဲရှိတာပေါ့။ iOS App ကိုရေးချင်ရင်၊ Apple ရဲ့ ကရိယာတွေပဲသုံးရမယ်။ Apple နည်းလမ်းအတိုင်း ရေးပေတော့။ Apple ကတော့ စည်းမျဉ်းတွေ တင်းကျပ်ထားတယ်။

ဒါပေမယ့် ဒီလိုလုပ်ထား​တော့လည်း အကျိုးတွေအများကြီးရှိနေတယ်။

သူတို့ရဲ့ OS ကို run မယ့် device တခုရဲ့ အသေးစိတ်တွေကို Apple ကကောင်းကောင်းကြီး အတိအကျသိရှိထားတော့၊ သူတို့ OS ရဲ့ ဒီဇိုင်းကို လိုသလိုလုပ်နိုင်တယ်။ ဥပမာ – Android ဆိုရင် Processor အမျိုးမျိုးနဲ့ ကိုက်ညီအောင်လုပ်နေရချိန်မှာ၊ iOS ကတော့ သူတို့ရဲ့ ARM အခြေခံ procesaor တခုတည်းမှာပဲ run တယ်။ ဆိုလိုတာက ကိုယ်စိတ်ကြိုက်တည်ဆောက်ထားတဲ့ Processor ပေါ်မှာ ကိုယ့်စိတ်ကြိုက် OS ကိုမောင်းနှင်တော့ ဘာမှ မကိုက်ညီစရာမရှိတော့ဘူးပေါ့။

iOS အနေနဲ့ Android လို code တွေကို ချက်ချင်းဘာသာပြန်ဖို့virtual machine လည်းမလိုဘူး။ App တွေအားလုံးကို compile လုပ်တာလည်း ကိုယ့် code နဲ့ကိုယ်ပဲ။ ဒီ code ကို တိုက်ရိုက် hardware ပေါ်မောင်းလိုက်ရုံပဲ။ virtual machine ကို မလိုအပ်ဘူးဆိုတဲ့ အဓိပ္ပါယ်က RAM ပမာဏ သိပ်မသုံးဘူးဆိုတဲ့ အဓိပ္ပါယ်ပါ။
ဒါ့အပြင် iOS ရဲ့ memory အစီအမံက တမူထူးခြားတယ်။ Android က memory ကို OS ကကိုင်တွယ်ပေမယ့်၊ iOS ကတော့ App တွေကို ကိုင်တွယ်စေတယ်။ App တွေကို သူတို့စိတ်ကြိုက် memory တွေသုံးခွင့်ပြုမယ်၊ ပြီးတော့ OS ကလိုက်ရှင်းလင်းမယ်။ ဒီလိုလုပ်မယ့်အစား App တွေကို သူတို့လိုမယ့် memory ကို ကိုယ်တိုင်နေရာချပြီး ကိုယ်တိုင်ဖယ်ရှားရှင်းလင်းစေတယ်။ iOS က ဒီအလုပ်ကိုမလုပ်ဘူး။
အချုပ်ပြောရရင်၊ iOS မှာ RAM နည်းတာဟာ စွမ်းဆောင်ရည် ညံ့တဲ့အဓိပ္ပါယ်မဆောင်ဘူး။ iOS မှာ သီးခြား memory ကို ကိုင်တွယ်တဲ့နည်းလမ်းရှိတယ်။ Android လို Virtual Machine ပေါ် လုံးဝ အားမထားနေဘူးဆိုတာကြောင့်ပဲဖြစ်ပါတယ် ။

#Credit